O Monstro de Cores Llenas Serra, Anna

Neste álbum preséntanse de forma sinxela as emocións a través dun xogo de cores que a autora e ilustradora usa para distinguir cada emoción.

O que a autora reflicte neste libro é unha pregunta sinxela: sabemos distinguir as nosas emocións? O monstro de cores non sabe o que lle pasa. As súas emocións convertéronse nunha desorde e agora tócalle saber entendelas e poñelas en orde. Ás veces o monstro, sentía rabia e medo ou rabia e tristeza pero tamén podía sentir calma e alegría ou todo a vez.

Un bo día, o monstro atopouse cunha nena e sentiu unha emoción da que aínda non oíra falar. A nena axudarao a parar ás emocións e saber entendelas. Deste xeito poderá distinguir que cada fío tiña unha cor e que cada cor pertencía a unha emoción diferente. Será capaz de poñerlle un nome a cada cousa e cada cousa no seu sitio, polo tanto entender o que sentía en cada momento. Finalmente, o monstro vólvese de cor rosa. Ao final da obra aparece o monstro pintando na cor do amor, rosa.